مشاهدة النسخة كاملة : توافق الطيور مع بعضها البعض


draz2011
09-11-2011, 02:32 PM
السلام عليكم و رحمة الله و بركاتة
انا عندى سؤال جة فى دماغى كدا قلت اسأل
هو ممكن تربية كذا نوع من الطيور مع بعض؟
يعنى مثلا(استرالى+فشر او بركدلو)او
(استرالى+زيبرا)
مع العلم انى اقصد جوز من كل نوع
يعنى انا عندى جوز استرالى فى فكرت اعمل تشكيلة كدا من كلة و انا لسة عاملهم قفص كبير عبارة عن متر طول*90سم عرض*متر ارتفاع
بس دى مقاسات تقديرية هو اكبر من كدا

smsm
09-12-2011, 12:38 PM
نعتذر على التأخير في الرد
بص هو الاحسن ان احنا نربى كل نوع لوحده داخل الاقفاص لان مهما كان القفص صغير و نعمل حساب احجام العصافير برضوا الاسترالى حجمه اكبر من الزيبرا و ده ممكن يعمل مشكله و يكون فيه خسائر انما لو عندك تقفيصه كبيره فاده ممكن يساعدك على انك تحط كذا نوع انا كان عندى فى يوم من الايام حوالى 15 قفص و كان فيهم كذا نوع بس كل قفص شايل نوع منفصل و طبعا فى ناس هاقول ينفع بس الاحسن ان يكون عندك قفص تانى لو عايز تربى كذا نوع

maged said
09-12-2011, 11:06 PM
بسم الله الرحمن الرحيم

اهلا بك اخى واسفين على التاخر فى الرد

كما قال لك مستر سمسم بالظبط لازم كل نوع يتربى لوحده لان كل نوع له متطلبات غير الاخر يعنى مثلا الزيبرا محتاجه درجه حراه عاليه لانها من الطيور الاستوائيه بعكس البركاديلو

أخى العزيز النوع الواحد لكى يتألف مع بعضه البعض يجب أن يربى منذ الصغر حتى يتألف ولا يكون هناك خسائر فى مكان يجمعه ورغم ذلك تكون هناك مشاكل فى التزاوج وإحتلال العشوش فما بالك بعدة أنواع مختلفة مع بعضها البعض

ولو لديك مثل هذا الماكن وتريد إستغلاله فمن الممكن أن تفصل بين كل نوع والأخر بسلك وصنع باب بين كل نوع وأخر لتمر أنت وتطلق زغاليل كل نوع مع بعضها البعض حتى يتألفوا وتضع العشوش فى مستوى رأسك كحد أقصى حتى لا تتعب الأناث أثناء فترة البياض أو تنقلب البيضة بداخلها وتحدث مشاكل للإناث لإضطرارها للصعود لمسافة كبيرة بالطيران للوصول للعش

ويجب بالطبع أن يكون معزول عن تيارات الهواء إلا نافذة مثلاً مغطاه بالسلك لتجديد الهواء

مع العلم أن وجود كميات كبيرة مع بعضها البعض سيعطى الأمراض فرصة أكبر للإنتشار من طائر مريض مثلاً ولذلك يجب الإهتمام بنظافة المياه وتغييرها كل 3 أيام كحد أقصى

بالإضافة إلى وضع بعض الألواح الخشبية العريضة تحت العشوش وتأمينها بحواجز خشبية حتى إذا سقطت زغاليل من العش لا تموت بوقوعها لمسافة كبيرة

بس هناك بعض الاشخاص الذين يربون بعض الانواع مع بعض زى الكوكتيل مع الاسترالى مثلا وده قليل جدا بس بيكون الطيور مدربه من صغرها وواخده على بعض جدا منذ الصغر ويفرخوا معا فى نفس المكان شرط ان يكون عدد الطيور قليل فى مكان واسع للاسباب التى ذكرتها لك من قبل

وبالتوفيق ان شاء الله